Туристерді Қытайда далаға тастап, тағы 70 адамды алдаған фирма бастығы ұсталды

Бұған дейін Қытайда туристерді тастап кеткен жанжал халық арасында резонанс тудырған болатын. Ақтөбе соты алаяқтық жасады деп күдікке ілінген, туристік фирма директорының ісін қарады, деп хабарлайды Orda.kz.

Тергеу нұсқасына сәйкес, 37 жастағы ер адам туристік сапарларды ұйымдастырып,  жолдама үшін ақша алғанымен, өз міндеттемелерін орындамаған. Соның салдарынан бірақ адам не турсыз, не ақшасыз  қалған.

Ақтөбе облыстық полициясының мәліметінше, құқық қорғау органдарына 70-тен астам жәбірленуші жүгінген. Келтірілген жалпы шығын көлемі 32 миллион теңгеден асады. Қазіргі уақытта тергеу жалғасып жатыр, барлық мән-жай мен жәбірленушілердің нақты саны анықталуда.

Еске салсақ, маусым айының басында Ақтөбедегі полиция ғимаратының алдына осы турфирманың біраз клиенті жиналған. Олардың арасында Алматы, Астана, Атырау және Орал қалаларының тұрғындары болған. 

Туристердің бірі Қытайға сапар кезінде гид түн ортасында 15 адамның тек бесеуіне ғана қайтар билет алынғанын хабарлағанын айтқан. Қалғандары елге өз қаражатымен қайтуға мәжбүр болған. Компания директоры Еркебұлан Аймұратұлы сол кезде ақшаны 10 маусымға дейін қайтаруға уәде берген екен.

Алданғандардың көбі Ақтөбеден. Шағымданушылардың қатары әлде де көбеюі мүмкін. Өйткені, өзге облыстардан да хабарласып жатқандар баршылық екен. Шағымданушылар туристік фирманың өкілеттігін тоқтатуды сұрайды. Өйткені компанияның жарнамасы әлеуметтік желіде әлі жүріп жатқан көрінеді.

Оқи отырыңыз:

• Алматыдағы Hilton қонақүйіндегі дау: Ішінде 200 турист пен америкалық әскери қызметкерлер болған
• Алматы әуежайында мас шетелдік жанжал шығарып, әйнектерді сындырды
• Қазақстан ТМД елдері арасында көшіп келушілер үшін ең қолайлы мемлекет ретінде бірінші орында