Petrosun компаниясына жарты миллиард теңге айыппұл салынды

Прокуратура «Petrosun» ЖШС қызметінде үстем жағдайды теріс пайдалану белгілерін анықтады.

Кәсіпорын өзінің монополиялық жағдайын асыра пайдаланып, жекелеген субъектілерге бензин мен дизель отынын сатуды негізсіз шектеген, бұл Әкімшілік кодекстің 159-бабының талаптарына қайшы келеді.

«Прокурорлық қадағалау актісі бойынша бәсекелестік саласындағы уәкілетті орган өнім берушіге кірістің 5 пайызы мөлшерінде айыппұл салумен әкімшілік құқық бұзушылық туралы хаттама жасады» деп хабарлады прокуратура.

Сот ұйғарымымен ЖШС әкімшілік жауапкершілікке тартылды. Айыппұлдың жалпы сомасы 542,9 миллион теңге бюджетке төленді.