Венесуэладағы жер сілкінісі құрбандарының саны бес мыңнан асты

Венесуэла Ұлттық ассамблеясының төрағасы Хорхе Родригестің мәліметінше, 24 маусымда болған жойқын жер сілкінісінен қаза тапқандар саны 5 202 адамға жетті, деп хабарлайды Orda.kz.

Биліктің мәліметінше, табиғи апаттан ең көп зардап шеккен аймақтарда шамамен 2 миллион тонна құрылыс қалдығы жиналған. Қазір құтқару қызметтері үйінділерді тазарту, жоғалған адамдарды іздеу және бүлінген инфрақұрылымды қалпына келтіру жұмыстарын жалғастырып жатыр.

24 маусымда Венесуэлада араға бір минутқа жетер-жетпес уақыт салып магнитудасы 7,2 және 7,5 болатын екі қуатты жер сілкінісі тіркелген. Табиғи апат салдарынан тұрғын үйлер, жолдар мен әлеуметтік нысандар қирап, ондаған мың адам баспанасыз қалды.

Бұл соңғы жылдардағы Венесула тарихындағы ең ауыр табиғи апаттардың бірі саналады. Елде гуманитарлық көмек көрсету және зардап шеккен өңірлерді қалпына келтіру жұмыстары жалғасып жатыр.

Оқи отырыңыз:

• Ұшаққа найзағай түсіп, қозғалтқышының бір бөлігі үзіліп кетті
• Елжас Отыншиев «Қазақстан темір жолын» басқарады