Павлодар облысында құдыққа түскен алты адам қаза тапты: Марқұмдардың ең жасы 16 жаста

Павлодар облысының Ақтоғай ауданында орналасқан шаруа қожалығы аумағындағы құдықта алты адам көз жұмды.  Қаза тапқандардың арасында 16 жастағы жасөспірім де бар, деп хабарлайды Orda.kz.

Қайғылы оқиға 20 шілде күні Павлодар облысы Ақтоғай ауданына қарасты Жоламан ауылында болды. Алдын ала мәлімет бойынша, жауапкершілігі шектеулі серіктестік аумағында бірнеше адам құдыққа түсіп, сол жерде көз жұмған. Бейресми ақпаратқа сәйкес, олар құдықтағы ақауды жөндеу үшін түскен.

Төтенше қызметке шақырту сағат 12:01-де түскен. Оқиға орнына жеткен дәрігерлер 1963, 1975, 1983, 1998, 2006 және 2009 жылы туған алты ер адамның қаза болғанын анықтады. Марқұмдардың ең жасы – 16 жаста. Тағы бір 1988 жылы туған ер адам көмірқышқыл газынан уланып, Ақтоғай аудандық ауруханасына жеткізілді. Оқиғаға байланысты полиция қылмыстық іс қозғады.

«Аталған факті бойынша қылмыстық іс қозғалды. Қазақстан Республикасы Қылмыстық-процестік кодексінің 201-бабына сәйкес өзге ақпарат жария етуге жатпайды», деп мәлімдеді полиция.

Қазіргі уақытта қайғылы оқиғаның мән-жайы анықталып жатыр.

Оқи отырыңыз:

Месси мен Роналду дәуірі аяқталды: 2026 жылғы әлем чемпионаты несімен есте қалды?

Талдықорғанда төрт метрлік ашық құдыққа 14 жастағы қыз құлап кетті