Жаңа талап: Жүргізуші куәлігін жарамсыз етуге қандай негіз бар?

2026 жылғы 25 тамыздан бастап Қазақстанда көлік құралдарын басқару құқығын тоқтату негіздерінің тізбесін кеңейтетін өзгерістер күшіне енеді, деп хабарлайды Orda.kz.        

Жаңа нормаларға сәйкес, жүргізуші куәлігінен айыруға әкелетін қосымша екі жағдай енгізіледі.

Бірінші өзгеріс 65 жастан асқан жүргізушілерге, сондай-ақ мүгедектігі бар адамдарға қатысты. Егер олар екі жылда бір рет өтетін міндетті медициналық тексеруден өтпесе, Ішкі істер министрлігі олардың жүргізуші куәлігінің күшін тоқтата алады. Мәліметтерді тексеру цифрлық жүйе арқылы жүргізіледі, ал шешім сотқа жүгінбей-ақ қабылданады.

Екінші негіз мас болып көлік жүргізу бойынша қылмыстық ісі ақтамайтын негіздермен (мысалы, рақымшылыққа байланысты немесе ескіру мерзімінің өтуіне байланысты) тоқтатылған жүргізушілерге қатысты.

Мұндай жағдайда жүргізуші куәлігін бірден қайтару мүмкін болмайды. Қайтадан көлік басқару құқығын алу үшін медициналық тексеруден өтіп, жол қозғалысы ережелері бойынша емтиханды сәтті тапсырғаннан кейін тек сегіз жылдан соң ғана мүмкіндік беріледі.

Жаңа ережелер 2026 жылғы 25 тамыздан бастап қолданысқа енгізіледі.

Оқи отырыңыз:

• Қорапқа салып берді: Жаңа туған үшем Алматы облысындағы ауруханада шетінеп кетті
• Қазақстан қорықтарында 19 орман өрті тұтанды
• Трамп Канададан келетін тауарларға 50 пайыздық баж салығын енгізді