Тоқаев Испания құрамасын футболдан әлем біріншілігіндегі жарқын жеңісімен құттықтады

Мемлекет басшысы Испания Королі VI Фелипеге құттықтау жеделхатын жолдады. Қазақстан Президенті Король VI Фелипе мен барша испан халқын Испания ұлттық құрамасының футболдан әлем біріншілігіндегі жарқын жеңісімен және екі дүркін әлем чемпионы атануымен құттықтады, деп хабарлайды Orda.kz.        

Президент Испания ұлттық құрамасының жоғары шеберлігі, үйлесімді командалық ойыны және жеңіске деген жігері миллиондаған жанкүйерді тәнті еткенін атап өтті. Испанияның жаһандық деңгейде мойындалған футболдан озық тәжірибесі баршаға үлгі болатынын еке салды.

«Осы ретте биыл Қазақстанда «Атлетико Мадрид» клубы академиясының ашылғанын ерекше қуанышпен атап өтемін. Бұл бастама халықтарымыз арасындағы достық пен сан қырлы ынтымақтастықты нығайтуға, сондай-ақ жастар арасындағы байланыстарды тереңдетуге зор серпін береріне кәміл сенемін» деп жазылған жеделхатта. 

Қасым-Жомарт Тоқаев VI Фелипенің ел мүддесіне бағытталған игі бастамаларына сәттілік, ал достас испан халқына бақ-береке тіледі.

Оқи отырыңыз:

• ӘЧ-2026: Испандар жеңісі үшін гауһар тасты 30 алтын жүзік алады
• Қазақстан мұнайы тиелген екі танкерге шабуыл жасалды: Министрліктер не дейді?
• Ескертуге қарамастан КҚК теңіз терминалындағы мұнай танкеріне тағы шабуыл жасалды