Министр: Тұрғын үй бағасының зейнетақы жинағына қатысы жоқ

Өнеркәсіп және құрылыс министрі Ерсайын Нағаспаев зейнетақы жинақтарының жеткіліктілік шектерінің артуы тұрғын үй бағасына әсер етпегенін мәлімдеді, деп хабарлайды Orda.kz.       

Оның айтуынша, үкімет коммерциялық тұрғын үй нарығын реттемейді. Бұл сегментте еліміз бойынша бір шаршы метрдің бағасы шамамен 617 мың теңге деңгейінде қалыптасқан.

Ал әлеуметтік пәтерлер мен үйлердің құны өспейді.

«Әрбір өңірге шекті ірілендірілген құн көрсеткіштері жеткізілген. Сондықтан әлеуметтік тұрғын үй бағасы мемлекет тарапынан бақылауда болады», – деп түсіндірді ол.

Коммерциялық тұрғын үйге қатысты министр бұл нарықта баға сұраныс пен ұсынысқа байланысты қалыптасатынын, бұған үкіметтің қатысы жоқ екенін айтты.

«Мен тұрғын үй нарығындағы бағаның өсуі немесе төмендеуі туралы болжам жасамаймын. Бұл дұрыс емес деп санаймын. Дегенмен өсімге алғышарттар жоқ. Егер жылдың алғашқы айларында нарықтағы белсенділіктің төмендегенін байқасақ, жаз мезгілінде әдетте тұрғын үйге сұраныс артады», – деді Нағаспаев.

Министр зейнетақы жинақтары жеткіліктілік шектерінің артуы баға қалыптасуына әсер етті ме деген нақтылау сұрағына министр олай емес деп жауап берді.

Оқи отырыңыз:

• Дастан Сәтпаев «Челси» сапында дебют жасады
• Астанада өз бетінше автобус жуып жүрген жігіттің әрекеті мемге айналды