Махамбет Өтемісов атындағы университеттің ректоры ұсталды деген ақпарат тарады

Батыс Қазақстан облысында Махамбет Өтемісов атындағы университеттің ректоры Нұрлан Серғалиевтің қызметтік өкілеттігін асыра пайдаланды деген күдікпен ұсталғаны туралы ақпарат тарады. Қазір оның жұмыс кабинетінде тінту жүргізіліп жатыр, деп хабарлайды Orda.kz.

Бұл туралы БҚО қоғамдық кеңесінің мүшесі, заңгер Бауыржан Ахметжан өзінің  әлеуметтік желісінде жариялады.  Оның айтуынша, Нұрлан Серғалиев қызметтік өкілеттігін асыра пайдаланды деген күдікке ілінген. Сондай-ақ университет ректорының жұмыс орнында тінту жүргізіліп жатқаны хабарланды.

Ахметжанның сөзінше, қылмыстық істі ҰҚК Ұйымдасқан қылмысқа қарсы күрес департаментінің Сыбайлас жемқорлыққа қарсы қызметі тергеп жатыр екен.

Әзірге құқық қорғау органдары бұл ақпаратқа қатысты ресми түсініктеме берген жоқ. Заңгер істің мән-жайы бойынша қосымша ақпарат кейінірек жарияланатынын айтты.

Оқи отырыңыз:

31 жастағы ер адам 74 жастағы әйелді пышақтап өлтірді

Нұрай Серікбайдың ісі: Сот алқабилерсіз өтуі мүмкін, жәбірленуші тарап тікелей эфир талап етті