Пәкістанда бұрынғы премьер-министр ұсталғанан кейін наразылық акциялары басталды

Пәкістанда бұрынғы премьер-министр Имран Хан қамауға алынған соң наразылық шерулері басталды. Пәкістанның бірқатар қалаларында шерушілерге қарсы көз жасаурататын газ қолданылды.

Бұл туралы GEO телеарнасы хабарлайды.

Басылымның мәліметінше, жергілікті полиция жаппай наразылық ошағын тарату үшін арнайы құралдарды қолданған. Шерулер елдің бұрынғы премьер-министрі және «Техрик-и-Инсаф» оппозициялық партиясының жетекшісі Имран Хан ұсталғаннан кейін ұйымдастырылды.

«Елдің оңтүстігіндегі Карачи қаласында, сондай-ақ солтүстік-батыстағы Лахор мен Фейсалабадта көзден жас ағызатын газ бен су атқыштар атылды. Наразылық білдірген экс-премьердің жақтастары Исламабад пен Пешаварда көшелерді жауып тастады» деп хабарлайды телеарна.

Жоғарыда аталған қалаларда наразылық білдірушілер полиция көліктерін өртеп, мемлекет мүлкін талқандады.

Бұған дейін Пәкістан билігі елдің экс-премьерін Al-Qadeer Trust ісі бойынша Ұлттық есеп беру бюросының (Экономикалық барлау) қызметкерлері тұтқындағанын хабарлаған. Көп ұзамай «Техрик-е-Инсаф» партиясы Ханның тұтқындалуына байланысты жаппай шерулер өткізуге шақырды.

Ұлттық есеп беру бюросы Ханға, оның әйеліне және оппозициялық «Техрик-е-Инсаф» партиясының жетекшілеріне қатысты тергеуді бастады, тергеушілердің айтуынша, олар Әл-Кадир университетін құру үшін траст құрып, өз әрекеттері арқылы 50 миллиард рупий Пәкістан қазынасына зиян келтірді.