Назарбаевты Қазақстан әнұранының авторы мәртебесінен айыруға бола ма?

Мәжіліс төрағасы Ерлан Қошанов экс-президент Назарбаевтың есімі мемлекеттік әнұран авторларының тізімінен алынып тасталуы мүмкіндігі туралы айтты.

Журналист Қырғызстанда тудың қалай өзгертілгенін мысалға келтіріп, Қошановтан Қазақстанда экс-президент Нұрсұлтан Назарбаевтың есімін әнұран авторлары тізімінен алып тастауға бола ма, деп сұрады.

«Бұл мәселе бүгінгі күн тәртібінде жоқ. Оны уақыт көрсетеді»,- деп жауап берді Қошанов.

Назарбаев Қазақстан әнұранының авторы болуға лайық па, деген сұраққа Қошанов жауап бермеді.

«Бір кездері осындай шешім қабылданған»,- деді Қошанов.