Семейде 8 және 14 жастағы екі бала із-түзсіз жоғалып кетті

Семей қаласында екі кәмелетке толмаған баланы іздестіру жұмыстары жүріп жатыр. 14 жастағы Рақымжан Укіртаев пен 8 жастағы Әлихан Қайратов хабар-ошарсыз кеткен, деп хабарлайды Orda.kz.

Полицияның мәліметінше, 17 маусым күні сағат 20:00 шамасында 14 жастағы Рақымжан Манатұлы Укіртаев пен 8 жастағы Әлихан Дарханұлы Қайратов Семей қаласындағы Восточный кенті маңында болған. Содан бері олардың қайда жүргені белгісіз.

Балалардың жоғалғаны туралы хабар түскеннен кейін полиция қызметкерлері жедел іздестіру шараларын ұйымдастырды. Абай облысы полиция департаменті қала тұрғындарынан іздеуге көмектесуді сұрады.

«Егер балалардың жүрген жері туралы қандай да бір ақпарат білсеңіз немесе оларды табуға көмектесетін мәліметтеріңіз болса, дереу 102 нөміріне хабарласуыңызды сұраймыз», – деп мәлімдеді ПД

Оқи отырыңыз:

Молдахан: «Мен шындықты айтқанымды мойындаймын»: Ұзабаев пен Шұмаев кешірім бере ме?

Ақ жол, Дастан! — «Қайрат» Сәтбаевты «Челсиге» шығарып салды