Медеуге баратын жолдағы көлік қозғалысы бірнеше түнге шектеледі

Алматыда жөндеу жұмыстарына байланысты Медеу  мұз айдынына баратын жолдың бір бөлігі бірнеше түнге жабылады, деп хабарлайды Orda.kz.

Жөндеу жұмыстарына байланысты Керей-Жәнібек Хандары көшесінде көлік қозғалысына уақытша шектеу енгізілуде.

6 қыркүйек пен 10 қыркүйек аралығында түнде сағат 23:00-ден 6:00-ге дейін «Экопост» аялдамасынан Бейсеуова көшесіне дейінгі аумақта көлік қозғалысы шектеледі.

Жөндеу жұмыстары кезінде кез келген жолды жабудағы сияқты жедел жәрдем және басқа да шұғыл қызметтер үшін кедергісіз өту қамтамасыз етіледі, деп хабарлайды Алматы әкімдігі.

Ұзындығы екі шақырымдық учаске осы көшенің жөндеуге жоспарланған алты шақырымының соңғысы болмақ.  

Жөндеу орнында ескерту белгілері мен мердігер басшысының байланыс ақпараты бар стендтер қойылады.