Петропавлда есірткі тасымалдаушы полициядан қашамын деп дүкенді талқандады

12 шілде 2026 11:03 Ләззат Нұрсапақызы

Фото: Depositphotos

Петропавл қаласында полиция қызметкерлері есірткі таратуға күдікті екі адамды, 25 жастағы ер адам мен 18 жастағы қызды қылмыс үстінде ұстады, деп хабарлайды Orda.kz.

Олардың жанынан ірі көлемдегі «спайс» тәркіленді. Алайда ұстау кезінде күдіктілер қарсылық көрсетіп, ашып кетпеші болған.

Полиция мәліметінше, жастар тәртіп сақшыларының заңды талаптарын орындаудан бас тартып, қашуға әрекет жасаған.

Қуғын барысында ер адам жақын маңдағы азық-түлік дүкеніне кіріп кетіп, сауда сөрелерін аударып, витриналарды сындырған және тауарларды шашып, полиция қызметкерлеріне кедергі келтірген.

Сауда залында күдікті айғақ заттардан құтылу үшін ұнтақ тәрізді зат салынған орамды лақтырып жіберуге тырысқан. Дегенмен жасаған тәртіпсіздігіне қарамастан, жедел қызметкерлер оны сол дүкеннің ішінде ұстады.

Полицияның хабарлауынша, медициналық куәландыру нәтижесінде 25 жастағы ер адамның есірткіге мас болғаны анықталған. Ал оның серіктесі психикалық денсаулық орталығында есепте тұрған болып шықты.

Тінту барысында күдіктілерден бөлшектеп сатуға дайындалған 11 орам «спайс» тәркіленді. Тәркіленген заттың жалпы салмағы шамамен 160 грамм болған.

Күдіктілер уақытша ұстау изоляторына қамалды.

Аталған факті бойынша психотроптық заттарды заңсыз айналымға енгізу және сату дерегімен сотқа дейінгі тергеу басталды.

Сонымен қатар, олар полиция қызметкерлеріне бағынбағаны және дүкен мүлкін бүлдіргені үшін де жауапқа тартылады.

Еске салсақ, Тараз қаласында шетелдік азамат синтетикалық есірткі таратып жүр деген күдікпен ұсталғанын жаздық.

Полицияның дерегінше, 29 жастағы күдіктіні жеке тінту барысында ақ түсті ұнтақ зат салынған 10 орам табылып, тәркіленген. Сонымен қатар, сол маңнан тағы 18 ұқсас орам анықталған.

Оқи отырыңыз:

Жаңалықтар

барлық жаңалықтар