200 жер телімі алынады: Үлкен Алматы айналма жолына алты жолақты магистраль қосылады

Алматының солтүстік-шығыс бөлігінде «Шығыс қақпасы» полиорталығын дамыту аясында инженерлік желілер тарту және жаңа жолдар салу жоспарланып отыр. Жоба аясында жеке сектордан шамамен 200 жер телімі мәжбүрлі түрде сатып алынбақ, меншік иелеріне тиісті хабарламалар жіберілген, деп хабарлайды Orda.kz.

Негізгі жобалардың бірі — Рысқұлов даңғылын Бұқтырма көшесімен байланыстыратын алты жолақты магистраль. 

Алматы қаласы әкімдігінің мәліметінше, Баймағамбетов көшесі, Құлжа тас жолы, Бұқтырма көшесі және Рысқұлов даңғылы аралығындағы аумақта жалпы ұзындығы 17,5 шақырым жол салынады.

Көлік инфрақұрылымындағы негізгі бағыттардың бірі — ені 50 метр, ұзындығы 4,6 шақырым болатын алты жолақты магистраль. Ол Бұқтырма көшесін Рысқұлов даңғылымен байланыстырып, кейін Үлкен Алматы айналма жолына шығады.

Билік өкілдерінің пікірінше, жаңа жол ауданның көлік қолжетімділігін жақсартып, Алматы ішіндегі және Алматы агломерациясындағы елді мекендермен байланысты жеңілдетеді.

Еске салсақ, біз Алматы әкімдігінің  2026–2030 жылдарға арналған қаланы дамыту жоспарын жарияладық. Құжатта көлік инфрақұрылымын дамытуға қатысты негізгі мәліметтер берілген. Жобаларды жүзеге асыру үшін тұрғындардан бірқатар жер телімдерін сатып алу қажет.

Қалада 12 көшені жалғастыру және ұзарту жоспарланған. Метроның жаңа станциялар мен желілері іске қосылып, метроны дамыту жұмыстары жалғасады. 2026 жылы «Қалқаман» станциясы іске қосылады. 2030 жылға дейін желі «Барлық» базарына дейін (үш станция) ұзартылады.

Оқи отырыңыз:

• Алматыда қаланың бас жоспары мен тұрғындар мүддесі сай келмей жатыр
• Алматыда 2030 жылға дейінгі қаланың бас жоспарына сай қай жолдар ұзарып, қандай нысандар сүріледі?
• Джеки Чан «Құдыретті сауыт: Ультиматум» фильмі түсірілімі алдында Қазақстандық банктің клиенті атанды