Қазақстанда мектеп оқушысы өгей әкесінен жүкті болып қалды

Қазақстанда тұрмыстық зорлық-зомбылық тақырыбы күн сайын дерлік жалғасуда. Павлодар облысында оқушы қыз өгей әкесінен жүкті болып қалған тағы бір оқиға орын алды.

Бұл туралы Orda.kz тілшісіне Шарбақты аудандық білім бөлімінің басшысы Маралбек Итемгенов айтты.

Қыз 8-сыныпта оқып, анасымен және өгей әкесімен бірге тұрған. Мұғалімдер бірдеңе дұрыс емес деп күдіктеніп, анасына қоңырау шалып, оны тексеру үшін ауруханаға апарды. Онда дәрігерлер мектеп оқушысының 25 апталық жүкті екенін анықтады. Қыз баланың әкесі ретінде анасының күйеуін атады.

Әзірге бұл жағдайға байланысты мұғалімдер жазаланды. Мектеп директорына, оның орынбасарына және қыздың сынып жетекшісіне сөгіс жарияланды. Өгей әке қамауға алынды, полицейлер Қылмыстық кодекстің 120-бабы 4-бөлігі бойынша сотқа дейінгі тергеу амалдарын жүргізіп жатыр.

Қыздың өзі қазір үйде оқиды, онымен психолог жұмыс істейді. Сондай-ақ, прокуратураның тапсырмасы бойынша мектеп әкімшілігі мен мұғалімдері қауіп тобындағы балалармен жұмысты күшейтті.