Ер адам ашудан 14 шегені жұтып қойды

Ер адам ашуланып, 14 шегені жұтып қойды. Ол тек үшінші күні аудандық ауруханаға келген.

Анықталғандай, 39 жастағы науқас шизофрениямен ауырып, өз-өзіне қол жұмсамақ болған.

— Күтуге болар еді, бірақ бұл жағдайда шұғыл хирургиялық ота қажет болды. Науқастың кеш емделгені ескерілді. Оның үстіне өлімге әкелетін перитониттің айқын клиникасы болған, - дейді Қарасай көпсалалы ауданаралық ауруханасының хирургия бөлімінің меңгерушісі Марат Әбжанов.

Операциядан кейінгі кезең асқынусыз өтті. Ер адам өткен жылдың күзінде қанағаттанарлық жағдайда аурухаадан шығарылды, бірақ ақпан айында қайтадан оның асқазанынан шеге табылды.

— Науқас бұл жолы ызадан 10 сантиметрлік бес шегені жұтуға тырысқан. Оның үстіне ол оқиғадан кейін төртінші күні ғана медициналық көмекке жүгінген, - дейді мамандар.

Дәрігерлерге бәрін басынан бастауға тура келді. Ер адам құтқарылды, бірақ мамандар жағдай қайталануы мүмкін деп қорқады.