Допингпен ұсталған қазақстандық спортшы жүлдесін сақтап қалды

ҚР Спорт және мәдениет министрлігінің баспасөз қызметі допинг қолданғаны үшін жарыстан шеттетілген қазақстандық зілтемірші Игорь Сонның қола жүлдеден айыру немесе айырмау мүмкіндігі туралы хабарлады.

WADA халықаралық ережелеріне сәйкес, жоғары нәтиже көрсеткен кәсіпқой спортшылар, Олимпиада чемпиондары мен жүлдегерлері жүйелі түрде допингке тексеріледі.

Осыған орай, 2022 жылдың 2 наурызында Жетісу өңірінде өткен турнирде Игорь Соннан допинг сынамасы алынып, оң нәтиже берген.

WADA стандарттарына сәйкес үлгілер бірнеше рет сынақтан өтті. Нәтижесінде, WADA ережелеріне сәйкес, спортшыға 2022 жылдың 8 наурызынан 2030 жылдың 28 наурызына дейін созылатын 8 жылға спорттан шеттету туралы шешім қабылданды.

«Сонымен бірге, 2020 жылы Токиода өткен Олимпиада ойындарында тапсырылған Игорь Сонның допинг-сынамасы таза болғандықтан, Олимпиаданың қола жүлдесі, сондай-ақ оған берілген ақшалай сыйлық пен пәтер қайтарылмайды» деп мәлімдеді департамент.

Бір қызығы, бұл спортшының ауыр атлет мансабындағы бірінші допинг дауы емес. Ол 2015 жылы да жастар арасындағы әлем чемпионатынан кейін жарыстан шеттетілді, бірақ допинг препараттары оның ағзасына тағамдық қоспа арқылы енгенін дәлелдей алды.