Дәулет Тұрлыханов ұлы соққыға жыққан заңгерлерден кешірім сұрады

Грек-рим күресінен қазақтың белгілі балуаны Дәулет Тұрлыханов Алматыда ұлы Нұрасылдың қатысуымен болған оқиғада зардап шеккен заңгерлермен кездесті.

Бұл туралы Vesti.kz күйеуімен бірге соққы астында қалған Анна Черноваға сілтеме жасап хабарлайды.

Оқиға бір апта бұрын болған. Алматыдағы мейрамханалардың бірінің маңында жұбайын ұрып-соғып жатқан Нұрасылды тыныштандыруға тырысқан заңгерге Тұрлыхановтың ұлы шабуыл жасады.

– Бүгінгі күні іс әскери полицияға берілді. Тергеу жүріп жатыр. Бүгін тергеуші қоңырау шалды. Біз оларға келеміз деп кеше келістік. Әзірге жаңа ештеңе жоқ. Жалпы, бәрі әдеттегідей жүріп жатыр.

Біз құқық бұзушының әкесімен кездестік. Ол ұлының әрекеті үшін кешірім сұрады. Біз өз кезегімізде ұлын кешірмегенімізді айттық. Жас жігіт заң алдында жауап беруі қажет. Ал іс баршаға сабақ болуы керек, – деді Чернова.

Айта кетейік, Тұрлыханов бұған дейін ұлының әрекетіне байланысты жұртшылық алдында шығып, құқық қорғау органдарын бұл оқиғаға қатысты шешім қабылдауға шақырған болатын.

Дәулет Тұрлыханов — кеңестік және қазақ грек-рим күресінің балуаны. Қазақстан Республикасының еңбек сіңірген жаттықтырушысы. Күміс (1988ж) және қола (1992ж) Олимпиада жүлдегері. Азия ойындарының чемпионы (1994ж), Еуропа чемпионы (1987ж) және Әлем чемпионы (1989ж).