Беларусь екі сотталған ​​қазақстандықты елге қайтарды

Бас прокуратура Беларусь Қазақстанның екі азаматын жазасын одан әрі өтеу үшін елге тапсырғаны туралы хабарлады.

Беларусь Республикасының Бас прокуратурасы сот үкімімен бас бостандығынан айыру жазасына кесілген Қазақстан азаматтары К. мен М.-ны беру туралы өтініштерін қанағаттандырды.

«Азамат К. Беларусьте аса ірі көлемде пара бергені үшін, азамат М. ұрлық, тонау және жеке құжаттарын ұрлау үшін сәйкесінше 5 жыл және 7 жыл 6 айға сотталды.

Бас прокуратура мен Ішкі істер министрлігінің қызметкерлері ҚР Сыртқы істер министрлігінің көмегімен аталған азаматтарды жазасын одан әрі өтеу үшін Қазақстанға әкелді» делінген хабарламада.

Қазіргі уақытта сотталған қазақстандықтар Астанадағы тергеу изоляторына қамалды.