Соғысты қолдаған Азамат Әбілдаев депутат мандатынан айрылады

Бұған дейін Ресей президенті Владимир Путинді және Ресейдің Украинаға басып кіруін ашық қолдаған Мәжіліс депутаты Азамат Әбілдаев «Ақ жол» партиясы қатарынан шығарылды.

Бұл туралы партияның баспасөз қызметі хабарлады.

«Ұлттық кеңестің (партия - ҚазТАГ) шешімі:

1. Әбілдаевты «Ақ жол» демократиялық партиясынан шығару туралы шешім қабылданды;

2. Осыған байланысты «Ақ жол» партиясы ОСК-ға Әбілдаевтың депутаттық мандатын тоқтату туралы хат жолдады» делінген хабарламада.

Бұған дейін Әбілдаев Азаттық радиосына берген сұхбатында Путинді және Ресейдің Украинаға басып кіруін қолдайтынын айтқан. Оның пікірінше, Украина басшылары «ұлтшылдар» және Украина халқы, депутат айтқандай, президент Владимир Зеленскийді жазға дейін ұстап алып, сотқа береді.