Қазақстан алдағы жылдары су тапшылығына ұшырайды

Алдағы жылдары Қазақстан тек газ бен жарықтың ғана емес, судың да тапшылығын көреді. Мұндай қорытындыны Экология, геология және табиғи ресурстар министрлігінің мамандары жасады.

Халық санының өсуі, экономикалық дамудың ерекшеліктері және жаһандық жылыну Қазақстанда су тапшылығына әкеледі. 2040 жылға қарай тұтыну 46%-ға өсіп, тапшылық 12 текше шақырымға дейін жетуі мүмкін. Мұндай мәліметтерді Су ресурстары комитетінің отырысында мәжіліс спикері Ерлан Қошанов мәлім етті.

Жылдан жылға өнеркәсіптік және тұрмыстық секторларда суды тұтыну өсуде, ауыл шаруашылығы суды ең көп тұтынушы болып қала береді.

Қазақстанның 1543 ауылы немесе 544 мың тұрғыны әлі күнге дейін таза ауыз сумен қамтылмаған.

Сондай-ақ, еліміз 2030 жылға қарай суармалы жер көлемін үш миллион гектарға дейін ұлғайту қажет. Ал гидротехникалық құрылыстардың әбден тозығы жеткен.

Мәжіліс спикері Ерлан Қошанов Қазақстанда әлі су кадастры жасалмағанын атап өтті. Су ресурстарының мониторингі жүйесінде де проблемалар бар – республикада қажет болған жағдайда 800 гидрологиялық пост, бар болғаны 310-ы жұмыс істейді.

—  Су шаруашылығының инфрақұрылымы әртүрлі мемлекеттік органдардың құзырында, бұл су ресурстарына қатысты тиімді мемлекеттік саясатты жүзеге асыруды қиындатады. Экология, геология және табиғи ресурстар министрлігі сумен жабдықтау көздеріне жауапты - бұл жер асты және жер үсті және топтық су өткізгіштер. Елді мекендерді сумен жабдықтауды дамытуға ҚР ИИДМ жауапты. Ал жоспарлау, салу және одан әрі пайдалану әкімдіктердің құзырында, - деді Қошанов.

Ол мемлекеттік органдарға бірқатар ұсыныстар берді:

• Қазақстан Республикасының жаңа су кодексін әзірлеу;

• елді мекендердің сумен жабдықтау және су бұру жүйелерін пайдалану, жобалау, салу және қайта жаңарту бойынша бірыңғай оператор құру;

• сумен қамтамасыз ету көрсеткіштері орташа республикалық деңгейден төмен өңірлерге қаражат бөлу.