Ақтауда мүгедектігі бар 8 жастағы бала терезеден құлап мерт болды

Ақтауда коррекциялық орталықтың үшінші қабатынан құлап кеткен 8 жастағы мүгедектігі бар бала екі айдан кейін ауруханада қайтыс болды. Марқұмның туыстары оқиғаға кінәлілерді жауапқа тартуды талап етіп отыр, деп хабарлайды Orda.kz.

Қайғылы оқиға Ақтаудағы коррекциялық  орталықтардың бірінде болған. Туыстарының айтуынша, оқиға кезінде бірнеше бала ересектердің қарауынсыз қалған. Сол сәтте балалардың бірі терезені ашып, сыртқа ұшып кеткен шарды алмақ болған. Нұрәлі атты бала оны ұстап қалуға әрекет жасаған кезде үшінші қабаттың терезесінен құлап кеткен.

Ауыр жарақат алған бала шұғыл түрде ауруханаға жеткізілген. Дәрігерлер оның өмірін сақтап қалу үшін екі ай бойы күрескенімен, барлық күш-жігер нәтижесіз болып, Нұрәлі көз жұмды. Белгілі болғандай, оның III топтағы мүгедектігі болған екен. 

Аталған факті бойынша қылмыстық іс қозғалды. Марқұмның жақындары тергеудің жан-жақты жүргізілуін, орталықтағы қауіпсіздік талаптарының сақталу-сақталмағанын анықтауды және терезелерде неге қорғаныс құралдары орнатылмағанын тексеруді сұрап отыр. Сондай-ақ, олар қайғылы оқиғаға жауапты тұлғалардың заң алдында жауап беруін талап етуде.

Оқи отырыңыз:

Дастан Сәтбаев «Қайрат» сапындағы соңғы матчтарын өткізіп, «Челсиге» ауысады

Әл-Фарабидегі қайғылы апат: Күдіктіні құтқармақ болғандардың өзі сотталуы мүмкін

Қарасай ауданында «Мұғалімдерді мәжбүрлі еңбекке тартты» деген ақпарат расталмады