Алматыда тұрғын үй жертөлесінен жасырын есірткі плантациясы табылды

Алматыда полиция қызметкерлері тұрғын үйдің жертөлесінен жасырын есірткі плантациясын анықтады. Ақпарат 102 пультіне түскен, тұрғындар есірткіге ұқсас иіс туралы хабарлама жіберген, деп хабарлайды Orda.kz.       

Алматыда полицейлер тұрғын үйдің жертөлесінде ұйымдастырылған құрамында есірткі бар өсімдіктерді заңсыз өсіру фактісінің жолын кесті, деп хабарлайды Polisia.kz.

«Тексеруге 102 пультіне түскен, есірткі заттарына ұқсас ерекше иіс туралы хабарлама себеп болды. Оқиға орнына келген полиция қызметкерлері тексеру барысында арнайы жабдықтарды пайдалану және тыйым салынған өсімдіктерді өсіру үшін жасанды жағдайлар жасау арқылы ұйымдастырылған жасырын есірткі плантациясының белгілерін анықтады. Жедел-іздестіру шаралары нәтижесінде бұл үй-жайды пайдалануға қатысы бар адамдар анықталды. Тергеу әрекеттері барысында сыртқы белгілері бойынша қарасораға ұқсас ондаған түп өсімдік, сондай-ақ өсімдік тектес кептірілген заттар табылып, тәркіленді» деп жазылған хабарламада. 

Сондай-ақ полицейлер өсімдіктерді өсіру және оларды сатуға дайындау үшін қолданылған жабдықтарды тәркіледі, олардың ішінде жарық беру құрылғылары, электронды таразылар, вакуумды қаптау құрылғысы және температураны бақылау құралдары бар.

«Құрамында есірткі бар өсімдіктерді заңсыз өсіру – есірткілерді әрі қарай таратуға бағытталған қылмыстық тізбектің бір кезеңі. Полицияның жедел әрекеті мен уақтылы шаралары арқасында бұл заңсыз әрекет анықталып, тоқтатылды», – деді Алматы қалалық ПД есірткі қылмысына қарсы күрес басқармасының бастығы Батыржан Абдумасаров. 

Күдіктілер полицияға жеткізілді. Сотқа дейінгі тергеу басталды.

Оқи отырыңыз:

• ТЖМ: Оралда мешіт күмбезін жасап жатқан адам құлап кетті
• Өзара қолдау келісіміне 65 жыл: Си Цзиньпин араға жеті жыл салып Солтүстік Кореяға барады
• Көлік прокуратурасы: Қаруыңды тапсырып — тыныш ұйықта