Әл-Фарабидегі қайғылы апат: Күдіктіні құтқармақ болғандардың өзі сотталуы мүмкін

Әл-Фараби даңғылында болған резонанстық жол апаты бойынша жаңа қылмыстық іс тіркелді. Бұл іс негізгі соттлаушы Александр Пактың ішімдік ішкенін жасырған азаматтарға қатысты, деп хабарлайды Orda.kz.

Бұған дейін, прокурор тергеу материалдарына сәйкес, айыпталушы жол апаты болған күні жеңіл дәрежеде мас болғанын айтқан еді. Медициналық сараптама оның қанынан 1,30 промилле алкоголь анықтаған. 

Осы істе жәбірленуші тараптың бірінің қорғаушысы Мейірман Шекеевтің айтуынша, тергеу күдіктімен апат алдында бірге болған адамдарға қатысты материалдарды бөлек өндіріске шығарған.

«Бұлар айыпталушымен бірге отырып, ішімдік ішкен адамдар. Олар бастапқыда тергеуге күдіктінің алкоголь қолданбағанын айтып, басқа мәлімет берген.  Бірақ кейін медициналық сараптама қорытындысы шықты, төленген есепшот табылды және басқа да дәлелдер жиналды. Қазіргі уақытта, Қылмыстық кодекстің 420-бабының 1-бөлігі бойынша жалған жауап берген деген күдікпен төрт азаматқа қатысты қылмыстық іс қозғалды», — деді заңгер Шекеев.

Бұл резонансты жол-көлік апатына қатысты оқиғаның мән-жайын төмендегі сілтемелерден толығырақ біле аласыздар.

Оқи отырыңыз:

Әл-Фарабидегі апат: Күдікті заңға сай жаза алуға дайын екенін айтты

Әл-Фарабидегі апат: Марқұмдардың туыстары Пакты кешіріп, бас бостандығынан айырмауды өтінді

МЕЙІРМАН ШЕКЕЕВ: Депутаттық, Әл-Фараби жол-көлік оқиғасы және Шавкат Рахмонов