Коллекторлық агенттік бүкіл қазақстандықтардың дерегін заңсыз сақтаған

Жетісу облысында құқық қорғау органдары қызметкерлері заңсыз коллекторлық агенттіктің қызметін тоқтатты. Тергеу мәліметінше, агенттік қызметкерлері Қазақстанның шамамен 16 миллион азаматының жеке деректерін заңсыз пайдаланған, деп хабарлайды Orda.kz.       

Анықталған ақпараттық жүйе арқылы азаматтарды аты-жөні, ЖСН және ұялы телефон нөмірі бойынша іздеуге мүмкіндік болған.

Жедел-іздестіру іс-шаралары барысында деректер базасын ұйымдастыруға және пайдалануға қатысы бар деген күдікпен үш адам ұсталды. Тінту кезінде компьютерлер, серверлік құрылғылар және мобильді құрылғылар тәркіленді.

«Олардың тұрғылықты жері мен жұмыс орындарында санкцияланған тінту жүргізілді. Нәтижесінде жеке деректерді сақтау мен өңдеуге пайдаланылуы мүмкін көптеген компьютерлік техника мен мобильді құрылғылар алынды»,  деп хабарлады Жетісу облыстық полиция департаментінің баспасөз қызметі. 

Күдіктілерге қатысты сотқа дейінгі тергеу басталды. Қазіргі уақытта полиция қызметкерлері құпия ақпараттың қайдан алынғанын анықтап жатыр.

Оқи отырыңыз:

• Қазақстанда коллекторлар қызметіне шектеу қойылды: Өзгеріс қандай?
• Қызылқұм шөлінде жаңа көл пайда болды
• Дастан Сәтбаев «Қайрат» сапындағы соңғы матчтарын өткізіп, «Челсиге» ауысады