Көлік прокуратурасы: Қаруыңды тапсырып — тыныш ұйықта

Көлік прокуратурасы қазақстандықтарды қару мен тыйым салынған заттарды ерікті түрде тапсыруға шақырды, деп хабарлайды Orda.kz.       

«Тыйым салынған заттарды ерікті түрде тапсырып, қауіпсіз болашаққа қадам жаса». Осындай үндеу жариялаған Көлік прокуратурасы азаматтарға суық қаруды заңсыз алып жүру, сақтау және сату қылмыстық жауапкершілікке әкелетінін еске салды.

Ведомствоның мәліметінше, заңсыз сақталған қару мен басқа да тыйым салынған заттарды өз еркімен тапсырған тұлғалар қылмыстық жауапкершіліктен босатылуы мүмкін.

«Көлік прокуратурасы азаматтарды заң талаптарын сақтауға және қоғамдық қауіпсіздікті қамтамасыз етуге өз үлестерін қосуға шақырады»  деп мәлімдеді ведомство өкілдері. 

Сондай-ақ прокуратура түсірген бейнероликте әуежайдағы тексеру кезінде жас жігіттен кастет табылып, кейін оны жауап алуға әкетіп бара жатқаны көрсетілген.

Ведомство өкілдері қауіпсіз болашақ тек қарудан ада қоғамда ғана қалыптасатынын атап өтті.

Оқи отырыңыз:

• Алматыда рұқсаты бар азаматтардың қаруы тексеріліп жатыр
• Елімізде мектеп күзетшілеріне қару ұстауға рұқсат беріледі
• Назарбаевтан «мұраға» қалып, қоқысқа айналған шахталар мен ядролық нысандарды сату қиынға соқты