Израильдің Франциядағы елшісі сайлауға араласты деп айыпталды

Израильдің Франциядағы елшісі Джошуа Зарка Тель-Авивті елдегі президенттік сайлаудың кез келген нәтижесі қанағаттандыратынын, тек солшыл Бағынбайтын Франция қозғалысының жетекшісі Жан-Люк Меланшон жеңіске жетпеуі керек екенін мәлімдеді, деп хабарлайды Orda.kz.        

Зарканың айтуынша, соңғы уақытта Израиль оңшыл Ұлттық бірлестік партиясының өкілдерімен, атап айтқанда Марин Ле Пен және Жордан Барделла сияқты саясаткерлермен нәтижелі ынтымақтастық орнатқан. Сондай-ақ Израиль қазіргі президент Эммануэль Макронның ізбасарларымен де жұмыс істеуге дайын екенін, алайда Францияны солшыл күштердің өкілі басқарғанын қаламайтынын айтты.

«Мен Елисей сарайында Жан-Люк Меланшоннан басқа кез келген адамды көргенді жөн санар едім. Ал егер таңдау Эммануэль Макронның мұрагері мен «Ұлттық бірлестік» өкілінің арасында болса, менің ешқандай одан артықшылығым жоқ»,— деді ол. 

Францияның солшыл күштері Израиль елшісінің бұл мәлімдемелерін сайлауға араласу әрекеті деп бағалап, елдің Сыртқы істер министрлігінен бұл жағдайға қатысты шара қабылдауды талап етті.

Оқи отырыңыз:

• Өзара қолдау келісіміне 65 жыл: Си Цзиньпин араға жеті жыл салып Солтүстік Кореяға барады
• Тағы да жеке клиника: Астанада запастағы полковниктің ота алдында жүрегі тоқтап қалды
• Алматыда сегіз жылға жуық тоқтап қалған Сайын көшесінің жалғасы ашылды