Зеленский Путиннің өзінің ашық хатына берген жауабына қанағаттанбады

Украина президенті Владимир Зеленский Ресей президенті Владимир Путиннің өзінің ашық хатына берген жауабына пікір білдіріп, Ресей президентінің екіұшты жауабына қанаттанбағанын жазды, деп хабарлайды Orda.kz.       

Владимир Зеленский бұл туралы өзінің Telegram-арнасында мәлімдеді.

«Өкінішке қарай, Ресей тарабы тағы да соғысты таңдады, бүгін бәрі осы жауапты естіді. Бұл – әлсіз жауап. Ол соғысты аяқтағысы келмейді. Менің ойымша, бұл жауап әлемдегі көп адамның  көңілінен шықпады» деп жазды Зеленский. 

Оның айтуынша, Путин ештеңе өзгерткісі келмейді.

«Демек, Ресейдің қаржылық мүмкіндіктері азаюы керек, ал оған қысым күшеюі тиіс. Бізге көмектесіп жатқан баршаға алғыс айтамын! Украинамен бірге болып, шынайы бейбітшілікті қалайтындардың бәріне ризамын» деп түйіндеді ол. 

Еске сала кетейік, бұған дейін Владимир Зеленский Владимир Путинге жолдаған ашық хатында соғысты тоқтатуға шақырып, қақтығысты талқылау үшін жеке кездесу өткізуді ұсынған болатын.

АҚШ президенті Дональд Трамп Украина мен Ресей көшбасшыларының  жеке кездесу өткізу идеясын қолдады.

Кеше Владимир Путин қазіргі жағдайда Зеленскиймен кездесудің мәні жоқ екенін айтты. Оның сөзінше, мұндай кездесу тек нақты келісімдерге қол жеткізілгеннен кейін ғана мүмкін.

«Бізге алты айға немесе үш айға емес, ұзақ мерзімді тарихи перспективаға арналған келісімдер қажет», – деді Путин. 

Сондай-ақ Ресей басшысы Зеленскийдің хатынан «дөрекілік» байқағанын атап өтті.

Оқи отырыңыз:

• Путин Ресей жағының Зеленскийдің «құзыреттілігіне» күмән келтіргеніне қарамастан кездесуге дайын
• Путин Астанада өтетін Еуразиялық экономикалық форумға қатысады
• Путин жеңіс күні қарсаңында Украинамен уақытша бітімге келуі мүмкін