Алматыдағы президент резиденциясын бұзуға 6 миллиард теңге жұмсалады
Президент Әкімшілігі Алматыдағы Мемлекет басшысы резиденциясын бұзуға бөлуді жоспарлап отырған 6 миллиард теңгенің қалай жұмсалатынын айтты.
ҚР Президентінің Іс басқармасы басшысы Айбек Дәдебаевтың айтуынша, Қазақстан көпсалалы қайта құру және даму институтының техникалық есебіне сәйкес, резиденцияның жағдайы «пайдалануға жарамдылығы шектеулі» санатқа жатқызылған.
«Қазреставрация» мамандары іздестіру жұмыстарын жүргізіп, өлшемдер алып, оның қорытындысы бойынша нысанды тарих және мәдениет ескерткіштері тізімінен шығару ұсынылды. Сондай-ақ, оның айтуынша, Мәдениет және спорт министрлігі тарихи-мәдени сараптаманың негізінде нысанды ескерткіштер тізімінен шығару туралы шешім қабылдаған: бас ғимарат пен оған жақын орналасқан нысандар бұзылады.
— Бірінші кезекте шығарылатын жабдықтар: тоңазытқыш машиналар, үздіксіз қуат көздері, дизельдік генераторлар - жалпы құны 600 миллион теңгеге жуық 46 атауды алынады. Аталған техникалар басқа басқару нысандарында қолданылады. 1800 тоннаға жуық өнімді темір сынықтары ретінде тапсырамыз (яғни, 150 миллион теңге бюджетке қайтарылады). Барлық бюджетке қайтарылатын қаражат 750 млн теңге болады, - деді Айбек Дәдебаев.
Оның айтуынша, бас ғимарат пен оған жақын орналасқан нысандарды бұзуға 3 миллиард теңге кетеді.
Тағы 3 миллиард аумақ пен инженерлік ғимаратты қалпына келтіруге, яғни қала балансына берілетін нысандарға қарастырылған.
— Жұмыстың барлығы бюджеттік өтінімде егжей-тегжейлі көрсетілген. Біз резиденция аумағындағы төбенің астында орналасқан инженерлік ғимаратты қалпына келтіруді жоспарлап отырмыз. Ол саябақ ландшафтына жақсы сәйкес келеді. Онда трансформаторлық қосалқы станса орналасқан. Ол жақын маңдағы үйлерге, инженерлік жабдықтарға, қызметкерлерге арналған үй-жайларға қызмет көрсетеді.
Одан басқа толыққанды көпфункционалды бөлме бар. Ол күрделі қайта құруды қажет етеді: шатырды заманауи, желдетілетінге ауыстыру, ағынды сулардың санын көбейту, инженерлік жабдықты толығымен ауыстыру. Нысанның сыртында атқарылатын жұмыстар да ауқымды. 30 жыл ішінде бұл ғимаратты салған стандарттар да ескірген. Осылайша, дайындалған аумақты және жөндеуден өткен инженерлік ғимаратты қалаға береміз, - деп қосты Президент істерін басқарушы.
Бұған дейін Қасым-Жомарт Тоқаев Алматыдағы президент резиденциясын бұзып, осы жерге қоғамдық саябақ салуды тапсырған болатын. Сарапшылардың пікірінше, қаңтар оқиғасынан кейін ғимараттың «пайдалану мүмкіндігі шектеулі» болған.
Еске салайық, 5 қаңтарда қарулы қарақшылар Алматыдағы президент резиденциясына басып кірген. Ғимарат толығымен тоналып, өртеніп кеткен.
Аталған резиденция 1995 жылы пайдалануға берілген. 2022 жылы ғимараттың қасбетін қайта жаңғырту жоспарланған болатын.
Жаңалықтар
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады
- Музейлер түні 2024: Алматы мен Астананың толық бағдарламасы
- Бішкекте шетелдіктермен төбелес болып, мыңдаған адам көшеге шықты
- Құлсарыда су тасқынынан зардап шеккен тұрғындар үшін 150 үйдің құрылысы басталады
- Бектенов Тоқаевқа су тасқыны зардаптарын жою туралы баяндады
- Жыл басынан бері мемлекет пайдаланылмай жатқан 645 мың гектар жерді қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды