Әлеуметтік желіде балағат сөз қолданғандарға айыппұл салатын түзетулер ұсынылды

Премьер-министр Олжас Бектенов Қазақстанда әлеуметтік желілерде боқтық және балағат сөздер қолданғаны үшін айыппұл қарастыратын түзетулер дайындалып жатқанын мәлімдеді, деп хабарлайды Orda.kz.       

Мәжіліс депутаттары премьер-министр Олжас Бектеновке қазақстандықтардың сөйлеу мәдениетіне қатысты сауал жолдаған болатын.

Бұл мәселенің көтерілуіне трансформациялық тренингтердің бірінен тараған резонансты видео себеп болды. Онда көптеген адамдар «психологиялық тәжірибе» деген желеумен ашық түрде бейәдеп сөздерді айғайлап айтып жатқанын көруге болады. 

Осыған байланысты депутат Нұрсұлтан Байтілесов қоғамдық тренингтер, семинарлар мен лекцияларды ұйымдастырушылары үшін нақты этикалық талаптар мен нормаларды әзірлеуді ұсынды. Сондай-ақ кәмелетке толмағандардың мүддесін қорғау мәселесін де ескеру қажеттігін атап өтті.

Бұл заң жобасы биыл заң шығарушы органның қарауына ұсынылады. Оны маусым айында талқылауға шығару жоспарланып отыр.

Ал қоғамдық тренингтерді ұйымдастырушыларға қойылатын нақты этикалық талаптарға келсек, премьер-министр коучтердің біліктілігіне, құзыреттеріне, білім деңгейіне, дағдыларына және этикалық қағидаттарына қатысты талаптар №409 «Коучинг қызметі» кәсіби стандартымен реттелетінін атап өтті. Бұл стандарт 25 желтоқсанда күшіне енген.

Тілшіміздің сараптамалық мақаласынан әлеуметтік желідегі қандай пікірлер үшін нақты жаза тағайындалуы мүмкін екенін оқи аласыз.

Оқи отырыңыз:

• Әлеуметтік желідегі қандай пікірлер үшін нақты жаза тағайындалуы мүмкін?
• Көкшетау қаласында саябақты өртемек болған шетелдіктің өзі жанып кете жаздады
• Алматы – Қорғас тас жолындағы бұзылған бетон көліктерге жаппай зақым келтіріп жатыр
• Еуроодақ Украина мен Молдованың мүшелікке кіруін қарастырып жатыр