Алматы әкімдігі феминистерге 8 наурызда митинг өткізуге рұқсат етті

Алматыда 8 наурыз күні феминистердің митингі өтеді. Бұл туралы шеруді ұйымдастырушылар хабарлады.

«8 наурызда әйелдер шеруі өтетінін хабарлаймыз. Кеше біз Алматы қаласы әкімдігінен ресми түрде рұқсат алдық» деп жазды митинг ұйымдастырушылары Facebook-те.

Айта кетейік, 8 наурыздағы митинг Алматыда 2017 жылдан бері өтіп келеді. Бұған дейін әкімдік 8 наурызда марш ұйымдастыруға рұқсат бермеген еді. 8 наурыздағы марш өтетін жер әкімдіктен тапсырыс алған «Еріктілер лигасына» берілген.