«Жаңа ғасыр» театрына Асанәлі Әшімовтің есімі берілді

«Жаңа ғасыр» театрына Асанәлі Әшімовтің есімі беріліп, «Ең үздік логотип» байқауы жарияланды, деп хабарлайды Orda.kz Алматы әкімдігінің баспасөз қызметіне сілтеп.     

Әкімдік хабарлағандай мәдениет пен өнер саласында маңызды оқиға болды. Бұл бастама тұлғаның шығармашылық мұрасын мәңгілік ету мақсатында жүзеге асырылған.

Бұл бастама ұлттық мәдениеттің дамуына өлшеусіз үлес қосқан тұлғаның шығармашылық мұрасын ұлықтау, сондай-ақ өскелең ұрпақ арасында рухани құндылықтарды насихаттау мақсатында жүзеге асырылды. Асанәлі Әшімовтің сахна мен кинодағы шығармашылық қолтаңбасы, оның жоғары кәсібилігі мен педагогикалық қызметі қазақ өнерінің алтын қорына енген.

Театр ұжымы жаңа атау – үлкен жауапкершілік әрі дамудың жаңа кезеңінің бастауы екенін атап өтті. Осыған байланысты театрдың жаңа брендингін қалыптастыру мақсатында «Ең үздік логотип» байқауы жарияланды. Байқаудың мақсаты – театрдың бірегей стилін айқындайтын заманауи әрі есте қаларлық логотипті анықтау. Ұйымдастырушылар ерекше идея ұсына алатын барлық креативті жандарды қатысуға шақырады.

«Ең үздік логотип» байқауының шарттары:

• Логотип авторлық және бірегей болуы тиіс;
• Асанәлі Әшімовтің фирмалық қолтаңбасы болуы қажет;
• Театр қызметін толық бейнелеуі тиіс;
• Жұмыстар сапалы форматтарда қабылданады (PNG, JPEG, PDF);
• Бір қатысушы бірнеше жұмыс ұсына алады.

Материалдар байқау жарияланған сәттен бастап 1 мамырға дейін қабылданады: WhatsApp: 8 701 712 2087, Email: [email protected]. Байқау жеңімпазы 100 000 теңге көлемінде ақшалай сыйлықпен марапатталады.

Алдағы уақытта «Асанәлі Әшімов театры» дәстүр мен жаңашылдықты ұштастыра отырып, көрерменге сапалы әрі заманауи қойылымдар ұсынуды жоспарлап отыр. Бұл бастамалар театрдың шығармашылық әлеуетін дамытуға ықпал етіп, ұлттық мәдениетті жаңа деңгейге көтереді.

Оқи отырыңыз:

• Қазақ өнерінің нарқасқасы Асанәлі Әшімов өмірден өтті
• Қазақ театры мен киносының абызы  Асанәлі Әшімов 85 жасқа толды
• Қазақ поэзиясының қара нары — Мұхтар Шаханов туған топырағына жерленді