Дер кезінде полиция шақырған балалар аналарын құтқарып қалды

Атырау облысында сыртта жүрген балалар, үйлеріне келіп анасы есік ашпаған соң дереу полиция шақырған, сөйтіп өлім аузында жатқан аналарын құтқарып қалды, деп хабарлайды Orda.kz.       

Құлсары қаласында аулада ойнап жүрген балалардың дер кезіндегі әрекеті адам өмірін сақтап қалды. 

Аулада ойнап жүрген ойын баласы пәтерлеріне кіре алмай, полицияға жүгінген.  Ал осы уақытта көршілері газдың өткір иісін сезген.  Шақырту алысымен дереу жеткен полицейлер есікті бұзып ашқан.
Пәтерде 47 жастағы әйел, яғни балалардың анасы ес-түссіз жатқан. Оны полицейлер бірден қызметтік көлікпен ауруханаға жеткізген.

Кейін анықталғандай, ас үйде газ плитасының конфоркалары ашық қалып, соның салдарынан газ тараған. Балалардың қырағылығы мен полицияның жедел әрекетінің арқасында қайғылы жағдайдың алдын алуға мүмкін болды.

Видео: Атырау облысы ПД.

Оқи отырыңыз:

• «Жаңа ғасыр» театрына Асанәлі Әшімовтің есімі берілді 
• ҰҚК Қостанай облысында криминалдық полиция бөлімінің үш қызметкерін ұстады
• Таразда«өзін-өзі тонап», қарақшылық туралы экшн сценарий ойлап тапқан әйелге сот үкімі шықты