Ақын Серікбай Әбілмәжін көз жұмды

Ақын, жазушылар одағының мүшесі Серікбай Әбілмәжін дүниеден озды, деп хабарлайды Orda.kz. 

Қаралы хабарды ақын Ұларбек Дәлейұлы Facebook парақшасында жариялады.

Серікбай Әбілмәжін – қазақ поэзиясында өзіндік үні бар қаламгер. Ол 1984 жылы Қытай Халық Республикасының Алтай аймағында дүниеге келген. 2008 жылы Әл-Фараби атындағы ҚазҰУ-дың химия факультетін тәмамдаған. 2015 жылы Ш.Уәлиханов атындағы Көкшетау мемлекеттік университеті филология бөлімінің магистратурасын бітірген. Бурабай ауданының мектептерінде мұғалім, Бурабай аудандық орталықтандырылған кітапханалар жүйесінің директоры, аудандық «Бурабай» газетінің редакторы болып қызмет атқарған. Өлеңдері «Сарыарқа самалы» ұжымдық жыр жинағына, «Жыр маржаны» атты қазақ поэзиясының он томдық антологиясына енген. 2014 жылы «Хантәңірі» баспасынан «Үркертолғақ» атты жыр жинағы, 2021 жылы «Фолиант» баспасынан «Сарша тамыз» жыр жинағы жарық көрген.

Жазушылар одағы марқұмның туған-туыстары мен жақындарына, қаламдас әріптестеріне қайғыра көңіл айтты.

Оқи отырыңыз:

• Мұхтар Шаханов ұрпақтарының есімдері нені білдіреді? Келіні сыр шертті
• «Центр плова Loft» кафесіндегі жарылыс: Тағы екі күдікті ұсталды