Air Astana Дубайға рейстердің тоқтатылуын мамыр айының соңына дейін ұзартты

Әуе компаниясы Дубайға ұшатын рейстерді 31 мамырға дейін қоса алғанда тоқтатты. Бұл Қазақстанның Авиациялық әкімшілігінің Таяу Шығыстағы бірқатар елдердің үстімен ұшуға салған тыйымымен байланысты. Тыйым аймақтағы тұрақсыз геосаяси жағдайға орай енгізілген, деп хабарлайды Orda.kz.

Бұған дейін Ақтаудан Дубайға ұшатын рейстерді лоукостер FlyArystan да 29 тамызға дейін тоқтатқан болатын.

Рейстері тоқтатылған жолаушыларға билеттердің толық құнын айыппұлсыз қайтару немесе 31 шілдеге дейінгі күндерге тегін қайта брондау ұсынылып отыр.

Сондай-ақ тариф айырмасын қосымша төлеу арқылы бағытты өзгерту мүмкіндігі бар. ҚР сыртқы істер министрлігі азаматтарға Таяу Шығыс өңіріне сапарлардан бас тарта тұруды сұрайды.

Оқи отырыңыз:

• Тоқаев қазақстандықтарды Ұлттық кітап күнімен құттықтады
• ҰҚК Қостанай облысында криминалдық полиция бөлімінің үш қызметкерін ұстады