Қазақстанға дәрілік заттардың айналымын реттеу саласын жетілдіру бойынша 3-ші деңгей берілді — ДДСҰ бас директоры

Тоқаев дүниежүзілік денсаулық сақтау ұйымының бас директоры Тедрос Адханом Гебрейесуспен кездесті, деп хабарлайды Orda.kz. 

Кездесу барысында Қазақстан мен дүниежүзілік денсаулық сақтау ұйымы арасындағы ынтымақтастықтың қазіргі жай-күйі талқыланған. 

Тоқаев ұйыммен ықпалдастықтың жаңа әрі сапалы деңгейге көтерілгеніне тоқталды.

Кездесуде климат пен денсаулық сақтау бағытында бірлескен зерттеулер жүргізу, цифрлық трансформацияға арналған бастамаларды ілгерілету және денсаулық сақтау саласына жасанды интеллектіні енгізу мәселелері қарастырылды.

Тедрос Адханом Гебрейесус Қасым-Жомарт Тоқаевқа өңірлік экологиялық саммитке қатысуға шақырғаны үшін алғыс айтты. 

Тедрос Адханом Гебрейесустың айтуынша, ұйым Қазақстанның өңірлік және жаһандық деңгейде экология мен су қауіпсіздігін қамтамасыз етуге бағытталған күш-жігерін қолдайды.

Кездесуде бас директор Тоқаевқа ұйымның елімізге дәрілік заттардың айналымын реттеу саласын жетілдіру бойынша 3-ші деңгей берілгенін растайтын хатты табыстады. Бұл ұлттық бақылау жүйесінің сенімділігін көрсетеді. 

Қазақстан мұндай дәрежеге ТМД елдері арасында бірінші, ал Еуропа аймағында төртінші болып қол жеткізген.

Оқи отырыңыз:

• Мұхтар Шаханов ұрпақтарының есімдері нені білдіреді? Келіні сыр шертті
• «Центр плова Loft» кафесіндегі жарылыс: Тағы екі күдікті ұсталды
• Сауд Арабиясы Королі Таяу Шығыстағы күрделі ахуалда қолдаған Тоқаевқа ризашылығын білдірді