Қазақ поэзиясының қара нары — Мұхтар Шаханов туған топырағына жерленді
Фото: Orda.kz
Қазақстанның Еңбек Ері, халық жазушысы, халықтың сүйікті ақыны Мұхтар Шахановтың мәйіті кеше Түркістанға жеткізіліп, бүгін туған топырағында Түркістан облысындағы «Қоғам» ауылдық зиратында жерленді, деп хабарлайды Orda.kz.
Кеше ақынның денесі Алматыдан Түркістан әуежайына жеткізіліп, одан әрі Отырар ауданына жөнелтілді. Әуежайда қаралы керуенді өңір басшысы Нұралхан Көшеров бастаған ресми өкілдер мен зиялы қауым күтіп алды. Қоштасу шараларынан кейін қаралы көш ақынның туған өлкесі Отырар ауданына барды.
Түркістан облысында қоғам қайраткері, халық ақыны Мұхтар Шахановты ақтық сапарға шығарып салу рәсімі өтті. Қаралы жиынға жиналған халықтың қарасы өте көп болды.
Мұхтар Шахановтың денесі туған жері — Шілік ауылындағы қара шаңырағынан шығарылып, Арыстанбаб кесенесінің жанындағы Қоғам ауылының зиратында жерленді.
Жаназаға Мәжіліс депутаты Қазыбек Иса, Ринат Зайытов, Сейітжан Сейітжанов, Асхат Мырзахметов және Түркістан облысының әкімі Нұралхан Көшеров қатысты. Рәсім барысында Қазыбек Иса мен ақынның туыстары сөз сөйлеп, естеліктерімен бөлісті.
Мұхтар Шаханов 19 сәуірде 84 жасқа қараған шағында ұзаққа созылған дерттен қайтыс болды. Бұған дейін Алматыда өткен қоштасу рәсіміне мемлекеттік органдардың өкілдері мен мәдениет қайраткерлері қатысып, марқұмның отбасына Қазақстан мен Қырғызстан президенттерінің көңіл айту жеделхаттары жеткізілді.
Мемлекет басшысы ұлт перзенті, аса көрнекті ақын, белгілі қоғам қайраткері, Халық жазушысы, Қазақстанның Еңбек Ері Мұхтар Шахановтың отбасы мен жақын туыстарына көңіл айту жеделхатын жолдады.
Ұлт әдебиетінің алыбы өзінің ақырғы байызын киелі Арыстан баб кесенесінің маңынан тапты.
Қаламы мен азаматтық үні қатар өрілген оның шығармашылығы ұлт жадында мәңгілік сақталары анық. Артында өшпес із, өлмес мұра қалдырып, тұтас бір дәуірдің рухани келбетін айшықтаған тұлғаның ғұмыры – адалдықтың, шындықтың, елге қызмет етудің асыл өнегесі болып қала бермек.
Түркістан облысындағы жерлеу рәсіміне қатысып, фото/видео мен ақпарат жолдаған жергілікті тілшіміз Назерке Еркінбекқызы.
Оқи отырыңыз:
Жаңалықтар
- 100 жыл бұрынғы қазақ қыз-келіншектерінің келбеті қандай болды?
- Қызылордада ауылдық клубтың директоры мен есепшісі 10 жыл бойы бюджет қаражатын жымқырып келген
- Астанадағы самитте Арал өңірінің экологиясы мен климаттық-экологиялық мәселелер талқыланады
- Маслихат депутаттарының билігі күшейеді
- Талғарда 20 жастағы жігіт пышақ жарақатынан көз жұмды: Бірден 2 қылмыстық іс қозғалды
- Қазақ поэзиясының қара нары — Мұхтар Шаханов туған топырағына жерленді
- Дәрігерге күш қолданған азамат 1,5 жылға сотталды
- «Бекіре-2026» акциясы: Атырау облысында 378 заңбұзушылық анықталып,13 қылмыстық іс қозғалды
- ІІМ автомектептерге тексеріс барысында 701 оқу тобы қызметін тоқтатты
- Рахат Тұрлыханов отбасылық жанжалға қатысты жазадан құтылды
- Көпмиллиардтық қаражатқа салынып жатқан Ертіс үстіндегі көпір тағы өртенді
- Тоқаев Израиль президентін Тәуелсіздік күнімен құттықтады
- Астана қазақ-тәжік қарым-қатынасының қазіргі жай-күйі мен перспективасы талқыланды
- Көпжылдық сенім қылмысқа ұласты: Жетісу тұрғынының 46 млн теңгеге бағаланған малы ұрланды
- Маңғыстау даласын қоқыс жапты: Аймақ даулы бейнежазбадан кейін тазартылды
- Тоқаев Моңғолия президентін «Алтын Қыран» орденімен марапаттады
- БҚО-да тойға келгендер полиция бөлімінен бір-ақ шықты
- Алматыдағы Розыбакиев көшесіне Шаханов есімін беру ұсынылды
- 2027 жылы ҰБТ-ға балама тест болады
- Алматы жұртшылығы Шахановты ақтық сапарға шығарып салды
