Мұхтар Шаханов ұрпақтарының есімдері нені білдіреді? Келіні сыр шертті

Шахановтың келіні Orda.kz-ке Халық жазушысы есімдерін өзі қойып кеткен немере, шөберелерінің аттарының мәні мен мағынасын айтып берді.

Мұхтар Шахановтың тұңғыш ұлы Қуаныш Мұхтарұлының әйелі Гүлжан Исаева ақынның артында қалған ұрпақтарының есімдерінің мәнін айтып берді. Еске сала кетейік, өткен жылы қарашада үлкен ұлы Қуаныш Мұхтарұлы қайтыс болған еді.

Оның айтуынша, ақын немере, шөберелерінің аттарына ерекше мән беріп, әрқайсысын терең мағынамен қойған. Шахановтың артында екі ұлынан тоғыз немере мен он шөбере қалған. Солардың ішінде ақынның жолын қуып келе жатқан Елшынар есімді шөбересі бар — бұл есімді де ақынның өзі қойған.

«Атамыздың немерелері мен шөберелері тек қазақ тілінде білім алады, үйде де тек қазақша сөйлесеміз. Мұны олардың есіне үнемі салып отырамыз. Атамыздың өзі қойған Елқанат, Нұрмерей есімді немерелері бар. Ал Елшынар атты шөбересіне бұл атты “елдің шынары болсын” деген ниетпен берген. Тағы бір шөбересіне Дінмұхамед деп, Дінмұхамед Қонаевтың жолын берсін деген тілекпен қойған. Үшінші қыз немересіне Сара деп ақынның атын берген. Атамыз өз өмірінде болған оқиғаларды үнемі айтып, ұрпағына өсиет етіп жеткізіп отыратын. Үйде отырған кезде де балалардың арасында бір ауыз орысша сөз айтылса, міндетті түрде ескерту жасайтын», — деді келіні Исаева.

Оқи отырыңыз:

• Қазақ поэзиясының қара нары — Мұхтар Шаханов туған топырағына жерленді
• Мұхтар Шаханов қайда жерленетіні белгілі болды
• Алматы жұртшылығы Шахановты ақтық сапарға шығарып салды