«Центр плова Loft» кафесіндегі жарылыс: Тағы екі күдікті ұсталды

Щучинск қаласындағы «Центр плова Loft» кафесінде болған жарылыстан 8 адам қайтыс болған болатын, осы іске қатысты тергеу барысында тағы екі адам ұсталды, деп хабарлайды Orda.kz. 

20 сәуірде автомобиль газ құю станциясының директоры мен газ баллондарды жеткізуші ұсталды. Олар баллондарды толтыру және жеткізу бойынша қызмет көрсету кезінде заңнама талаптарын бұзды деген күдікке ілінді. 

Күдіктілердің әрекеттері «Абайсызда екіден көп адамның ауыр зардаптары мен өліміне әкеп соққан, тұтынушылардың өмірі мен денсаулығы қауіпсіздігі талаптарына сай келмейтін қызмет көрсету» бабы бойынша сараланды. Олардың кінәсі дәлелденсе 8 жылға дейін бас бостандығынан айырылуы мүмкін. 

Күдіктілердің біріне қатысты соттың санкциясымен қамауда ұстау түріндегі бұлтартпау шарасы қолданылса, екіншісі - үй қамағына жіберілген.

Сотқа дейінгі тергеу жалғасуда. 

Еске сасақ, Щучинск қаласында «Палау орталығы» кафесінде жарылыс болып, артынша өрт шықты. Салдарынан сегіз адам қаза тауып, тағы жиырма адам жарақат алды. Ақмола облысы ТЖД-ның мәліметінше, бес қабатты тұрғын үйдің жанындағы бір қабатты дәмханада газ жарылып, кейін өрт тұтанған. Құтқарушылар хабарлама түскеннен кейін 5 минут ішінде оқиға орнына жеткен.

Оқи отырыңыз:

• Шучинсктегі жарылыс: Тағы бір адам көз жұмды
• Щучинскідегі жарылыс: Дәрігерлер зардап шеккендердің жағдайын баяндады
• Щучинскіде жарылыс болған дәмхананың иесі ұсталды