Астанадағы саммитте маңызды құжаттарға қол қойылды

Ләззат Сұңқар
cover Фото: Ақорда

Тоқаев пен Орталық Азия елдерінің көшбасшылары Астанадағы саммитте маңызды құжаттарға қол қойды. Астанада өткен Аралды құтқару халықаралық қорының құрылтайшы мемлекеттер басшылары кеңесінің қорытындысы бойынша бірқатар маңызды құжаттарға қол қойылды, деп хабарлайды  Orda.kz Ақорда баспасөз қызметіне сілтеме жасап.

Атап айтқанда, Аралды құтқару халықаралық қорының құрылтайшы мемлекеттері басшыларының «Қазақстан Республикасының Аралды құтқару халықаралық қорындағы төрағалығының барысы туралы» шешімі, «26 наурызды Арал теңізінің, Әмудария және Сырдария өзендерінің халықаралық күні деп жариялау туралы» шешімі және «Аралды құтқару халықаралық қорының президентін сайлау туралы» шешімі қабылданды.

Сонымен қатар, саммитке қатысушылар Аралды құтқару халықаралық қорының құрылтайшы мемлекеттері басшыларының Астана декларациясына қол қойды.

Аралды құтқару халықаралық қоры құрылтайшылары мемлекет басшылары кеңесі отырысында Қырғызстан президенті Садыр Жапаров, Тәжікстан президенті Эмомали Рахмон, Түрікменстан президенті Сердар Бердімұхамедов, Өзбекстан президенті Шавкат Мирзиёев, сондай-ақ Аралды құтқару халықаралық қоры Атқарушы комитетінің төрағасы Асхат Оразбай сөз сөйледі.

БҰҰ және басқа да халықаралық ұйымдармен бірлесіп құрылған бұл диалог алаңы Орталық Азиядағы экожүйелерді қорғау, қалпына келтіру және ортақ пайдалану, су мен жер ресурстарын тиімді басқару, сондай-ақ биоалуантүрлілікті сақтау бойынша кешенді саясат пен құралдарды қалыптастыруға бағытталған.

Оқи отырыңыз:


Жаңалықтар

барлық жаңалықтар

22.12.2020 жылы берілген
№KZ05VPY00030397 мерзімді баспасөз басылым және ақпараттық агенттік
тіркеу туралы куәлік.

© ORDA, . Пайдалану ережелері