«Жаңа ғасыр» театрына Асанәлі Әшімовтің есімі берілді
Фото: Алматы әкімдігі
«Жаңа ғасыр» театрына Асанәлі Әшімовтің есімі беріліп, «Ең үздік логотип» байқауы жарияланды, деп хабарлайды Orda.kz Алматы әкімдігінің баспасөз қызметіне сілтеп.
Әкімдік хабарлағандай мәдениет пен өнер саласында маңызды оқиға болды. Бұл бастама тұлғаның шығармашылық мұрасын мәңгілік ету мақсатында жүзеге асырылған.
«Жаңа ғасыр» театрына қазақ театры мен киносының көрнекті қайраткері, КСРО және Қазақстанның халық әртісі, Қазақстанның Еңбек Ері Асанәлі Әшімовтің есімі ресми түрде берілді. Енді бұл мекеме «Асанәлі Әшімов театры» деп аталатын болады.
Бұл бастама ұлттық мәдениеттің дамуына өлшеусіз үлес қосқан тұлғаның шығармашылық мұрасын ұлықтау, сондай-ақ өскелең ұрпақ арасында рухани құндылықтарды насихаттау мақсатында жүзеге асырылды. Асанәлі Әшімовтің сахна мен кинодағы шығармашылық қолтаңбасы, оның жоғары кәсібилігі мен педагогикалық қызметі қазақ өнерінің алтын қорына енген.
Театр ұжымы жаңа атау – үлкен жауапкершілік әрі дамудың жаңа кезеңінің бастауы екенін атап өтті. Осыған байланысты театрдың жаңа брендингін қалыптастыру мақсатында «Ең үздік логотип» байқауы жарияланды. Байқаудың мақсаты – театрдың бірегей стилін айқындайтын заманауи әрі есте қаларлық логотипті анықтау. Ұйымдастырушылар ерекше идея ұсына алатын барлық креативті жандарды қатысуға шақырады.
«Ең үздік логотип» байқауының шарттары:
- Логотип авторлық және бірегей болуы тиіс;
- Асанәлі Әшімовтің фирмалық қолтаңбасы болуы қажет;
- Театр қызметін толық бейнелеуі тиіс;
- Жұмыстар сапалы форматтарда қабылданады (PNG, JPEG, PDF);
- Бір қатысушы бірнеше жұмыс ұсына алады.
Материалдар байқау жарияланған сәттен бастап 1 мамырға дейін қабылданады: WhatsApp: 8 701 712 2087, Email: press@almaty-ayenderi.kz. Байқау жеңімпазы 100 000 теңге көлемінде ақшалай сыйлықпен марапатталады.
Алдағы уақытта «Асанәлі Әшімов театры» дәстүр мен жаңашылдықты ұштастыра отырып, көрерменге сапалы әрі заманауи қойылымдар ұсынуды жоспарлап отыр. Бұл бастамалар театрдың шығармашылық әлеуетін дамытуға ықпал етіп, ұлттық мәдениетті жаңа деңгейге көтереді.
Оқи отырыңыз:
Жаңалықтар
- Алматы көшесін «жасанды интеллектпен тазалай салған» қызметкер жұмыстан кетті
- Әл-Фарабидегі апат: Пактың «100 QR 02» жалған нөміріне қатысты іс тоқтатылды
- Алматыда жүргізуші бес адамды қағып, тағы бір көлікке соғылды
- Президент Берік Уәлиге «Абайға құрмет» акциясын лайықты деңгейде жүзеге асыруды тапсырды
- Дәрілерді бақылаусыз қолдану ұлттық қауіпсіздікке қатер: Антибиотик сату қатаңдайды
- Қызылорда облысындағы жұмбақ өлім: Құдықтан табылған 20 жастағы жігіттің өліміне оның 15 жастағы інісі күдікті болып шықты
- Талдықорғанда сарбаздың қазасына байланысты батальон командирінің орынбасары сотталды
- Мажарстанда жоғары лауазымды тұлғалардың жалақысы қысқарды
- Атышулы «Алтын Орда» базарындағы тексеру қорытындысы: Үстеме 85 пайыздан асып кеткен
- Атырау әкімінің орынбасары мен коммуналдық кәсіпорын басшысының орынбасары тергеуге ілікті
- «Нағыз апокалипсис»: Ақтөбе әр жаңбырдан кейін су астында қалады
- Сынған қабырғалары өкпесін тесіп өткен: 10 жасар бала кернеуі 6000 вольттық токқа түсті
- Үстіртте сирек кездесетін барыс фототұзаққа түсті
- Мұхтар Жәкішев шетелдік құдалықты сынағандарға жауап берді
- Алматыдағы Hilton қонақүйі жабылды: 170 қызметкер бір күнде жұмыссыз қалды
- Қашқадариядағы газ құю бекетіндегі жарылыс болып, алты адам тірідей жанып кетті
- Қытай ЖИ-ғалымдарын елден ешқайда шығармайтын болды
- Еліміздегі «Aманат» пен «Әділет» партиялары біріге ме?
- Алматыда гимназияның үздік оқушысы соңғы қоңырау алдында өзіне қол жұмсады
- Трамп Нетаньяхуға Иранмен соғыста жалғыз қалатынын ескертті
