Түркістан облысында мектеп оқушысы суға батып бара жатқан 2 жасар баланы құтқарып қалды

Сәбидің ерлікпен құтқарылғанын журналист Гүлмира Әбіқай әлеуметтік желіде хабарлады.

Оның айтуынша, бала Жамбыл ауылындағы ауладан шығып кетіп, арыққа құлап, батып бара жатқан.

Сегізінші сынып оқушысы Нұргелді баланы құтқарып қалып, үлкендерді көмекке шақырған. Бірлескен күш-жігердің арқасында бала аман қалған.

Түркістан облысы Төтенше жағдайлар департаментінің баспасөз қызметі аталған фактіге қатысты арыз-шағым түспегенін хабарлады.