Прокурор Нұрай Серікбайға 35 рет пышақ салынғанын мәлімдеді

Шымкентте Нұрай Серікбайдың өліміне қатысты қылмыстық іс бойынша алдын ала сот тыңдауы өтті. Мемлекеттік айыптаушының мәліметінше, күдікті Шерхан Аймахан бойжеткенге алдымен бес, кейін қайта оралып тағы 30 рет пышақ жарақатын салған, деп хабарлады Orda.kz.

Шымкентте Нұрай Серікбайдың өліміне қатысты қылмыстық іс бойынша алдын ала сот отырысы басталды. Сотта мемлекеттік айыптаушы Мадияр Әбілқасымов айыптау актісін оқып,  Шерхан Аймаханға тағылған айыптардың мән-жайын баяндады.

Прокуратура нұсқасына сәйкес, Шерхан Аймахан алдымен Нұрай Серікбайды кездесуге шақырған. Алайда бойжеткен кездесуден бас тартқан. Осыдан кейін айыпталушы қызды үйінің маңында күтіп тұрған.

Мемлекеттік айыптау тарабының мәліметінше, Нұрай дүкенге шыққан сәтте айыпталушы оған алдымен бес пышақ жарақатын салған. Кейін оқиға орнынан кетіп, арада уақыт өткен соң қайта оралып, тағы 30 рет пышақ сұққан.

Алдын ала тыңдау барысында судья Саммидин Темірәлиев негізгі сот отырысы 2026 жылғы 28 шілдеде басталатынын хабарлады. Сот отырысында қорғаушылар процесті онлайн форматта өткізуді сұрады. Алайда, судья бұл өтінішті қанағаттандырмай, істі офлайн режимде қарау туралы шешім қабылдады.

Оқи отырыңыз:

73 пайызы ауыр: Біздің шенеуніктер қандай қылмысқа құмар?

Ақтөбеде жүргізушіге ескерту жасаған ер адамды ұрлап кеткен