Трамп келесі аптада Зеленскиймен кездесуі мүмкін екенін мәлімдеді

Бұл туралы АҚШ президенті баспасөзге Жапония премьер-министрі Шигеру Ишибамен кездесуінде айтты, деп хабарлайды Orda.kz AFP агенттігіне сілтеме жасап.

АҚШ пен Украина басшылары соғыста Украинаға қолдау көрсетудің орнына сирек жер металдарын жеткізу мәселесін талқыламақшы. Кездесу Вашингтонда өтуі мүмкін.

Дегенмен Трамп Путинмен соғысты талқылағысы келетінін де қосты.

«Мен бұл соғыстың аяқталғанын қалаймын. Негізгі себебі: көп адам қаза болады. Қазірдің өзінде 800-900 мың ресейлік қайтыс болды немесе ауыр жарақат алды. Бұл Украинаға да қатысты - оларда шамамен 700 мың. Берілген дерек төмендетіп көрсетілген. Менің ойымша, ақпарат дұрыс емес», - деп қосты ол.

Трамп бұған дейін Ресей президентімен келіссөз жүргізгісі келетіні туралы айтқан. Алайда кездесудің нақты күні туралы әзірге ақпарат жоқ.