Ақтөбеде мерзімді қызметтегі сарбазды ұрған сержант сотталды

Ақтөбе гарнизонының әскери соты мерзімді қызметтегі сарбазды ұрған сержантты бір жылға бас бостандығынан айырды, деп хабарлайды Orda.kz.

Тергеу сержант К.-ны билікті және қызметтік өкілеттіктерді асыра пайдаланды деп айыптады, соның салдарынан жәбірленушінің денсаулығына зиян келген (ҚР ҚК 451-бабы 1-бөлігі). Тергеу нұсқасы бойынша, К. мерзімді әскери қызметшілерге жауапты бола отырып. сарбаз С.-ға орташа ауырлықтағы денсаулыққа зиян келтірген жарақат салған.

Прокурор сержантқа бас бостандығынан айыру жазасын сұрады. К.-ның өзі кінәсін мойындамай, ақтауды талап етті. Ол азаматтық талапты ішінара ғана мойындап, жәбірленушінің өкіл қызметіне кеткен сот шығындарын ғана өтеуге келісті.

Ал жәбірленуші айыпталушыны заң аясында жазалауды және талап-арызды толық қанағаттандыруды сұрады.

Сот К.-ның кінәсін дәлелденді деп таныды. Оны сот-медициналық сараптама қорытындысы, жәбірленушінің, куәлардың және сарапшының айғақтары растады.

«Ақтөбе гарнизонының әскери соты К.-ны ҚР ҚК 451-бабы 1-бөлігі бойынша кінәлі деп танып, оны бір жылға бас бостандығынан айырды» деп жазылған баспасөз хабарламасында. 

Сонымен қатар сот сержанттан моральдық зиянды өтеу үшін 700 000 теңге, сондай-ақ өкіл қызметіне жұмсалған сот шығындары ретінде тағы 900 000 теңге өндіріп алды.

Үкім әзірге заңды күшіне енген жоқ.

Оқи отыырыңыз:

• «Әділет» партиясы сайлауалды бағдарламасы мен кандидаттар тізімін бекітті
• Төрт күдікті ұсталды: Ақтау маңындағы Ақшұқыр ауылында көлік жуатын орында атыс болды
• Ердоған Анкарадағы НАТО саммитінен кейін Еуропа көшбасшыларына арнаулы тапанша сыйлады