Түркияда 18 жастағы қазақстандық қыз жол апатынан қаза тапты: СІМ мәлімдеме жасады

Түркияның Анталья қаласында өндірістік тәжірибеден өтіп жүрген 18 жастағы қазақстандық қыз жол апатынан көз жұмды. Ол өзін жайсыз сезініп, ауруханаға бара жатқан жолда мотоциклмен апатқа ұшыраған, деп хабарлайды Orda.kz.

Түркияның Анталья қаласында 18 жастағы Қазақстан азаматы жол-көлік оқиғасынан қаза тапты. Қайғылы оқиға 2026 жылғы 15 маусымда болған. Марқұм Түркиядағы қонақүйлердің бірінде аниматор болып жұмыс істеп, өндірістік тәжірибеден өтіп жүрген. Туыстарының айтуынша, қыздың іші қатты ауырып, өзін жайсыз сезінген. Осыдан кейін танысы оны мотоциклмен ауруханаға алып шыққан.

Алайда жолда олар жол-көлік оқиғасына тап болған. Салдарынан мотоцикл жүргізушісі көліктен ұшып кеткен, ал қазақстандық қыз ауыр жарақат алды. Дәрігерлер оның өмірін сақтап қала алмаған. Марқұмның туыстары оқиғаның барлық мән-жайын жан-жақты әрі әділ тергеуге көмектесуді сұрап, құзырлы органдарға жүгінді.

Осы жағдайға байланысты Қазақстанның Сыртқы істер министрлігі де мәлімдеме жасады. Мнистрллік Анталиядағы Бас консулдық марқұмның отбасына қажетті консулдық көмек көрсетіп, құжаттарды рәсімдеуге және мәйітті елге жеткізуге жәрдемдескенін мәлімдеді.

Сондай-ақ, ведомство қыздың қаза болуына қатысты мән-жай Бас консулдықтың бақылауында екенін, қазіргі уақытта Түркияның құзырлы органдарымен өзара іс-қимыл жалғасып жатқанын хабарлады.

Оқи отырыңыз:

Жамбыл облысында магнитудасы 4,5 болатын жер сілкінісі тіркелді

Омбыдағы гүлзар алаңына Кемел Тоқаевтың есімін беру ұсынылды