Ердоған Анкарадағы НАТО саммитінен кейін Еуропа көшбасшыларына арнаулы тапанша сыйлады

Түркия президенті Режеп Тайып Ердоған Анкарадағы НАТО саммитінен кейін еуропалық көшбасшыларға аты-жөні жазылған Sarsilmaz SR 38 тапаншасы мен жауынгерлік оқ сыйлады, деп хабарлайды Orda.kz.       

Politico басылымының жазуынша, сыйлық алғандардың қатарында Еурокомиссия басшысы Урсула фон дер Ляйен мен Еурокеңес төрағасы Антониу Кошта бар. Алайда Бельгияда қару-жарақ заңы өте қатаң болғандықтан, олар тапаншаны өздерінде сақтай алмауы мүмкін. Коштаның қаруын қауіпсіздік қызметі бірден тексеруге алып кеткен.

Ал Ұлыбритания премьері Кир Стармер мен Нидерланд үкіметінің басшысы Роб Йеттен тапаншаларды атуға жарамсыз ету үшін Түркияда қалдыруды ұйғарған. Мәселен, Йеттеннің қаруы Анкарадағы Нидерланд елшілігінде қалғаны расталды.

Бұл сыйлықты Словакия президенті Петер Пеллегрини журналистерге көрсетті. Үкіметтік ұшақта түсірілген кадрларда Пеллегринидің ағаш қорапты ашып, Ердоған сыйлаған қаруды көрсетіп тұрғаны байқалады.

Режеп Тайып Ердоған Анкарада өткен НАТО мемлекет және үкімет басшыларының 36-шы саммитінен кейін көшбасшыларға есімдері қашалған арнайы револьверлер табыстағаны  Еуропада әлі де қызу талқыланып жатыр.

Бұл жолы Словакия президенті Петер Пеллегрини саммиттен оралған соң қызметтік ұшақта журналистерге Ердоған сыйлаған арнайы револьверді көрсетті. Мәліметке сәйкес, көшбасшыларға берілген бұл револьвер 1990-жылдары «Машине ве Кимья Эндюстриси» (MKE) компаниясы шығарған Gümüşay .357 Magnum үлгісі.

Ердоғанның НАТО саммитінде көшбасшыларға сыйлаған арнайы револьверлері бұған дейін де Еуропада үлкен резонанс тудырған болатын. Кейбір көшбасшылар сыйлықты сақтап қалса, кейбір елдерде револьверлердің тағдыры қоғамда қызу пікірталасқа айналды.

Еске салсақ, 7-8 шілдеде Анкарада өткен саммитке альянсқа мүше 32 елдің басшысы қатысты.

Біз Қасым-Жомарт Тоқаев пен Режеп Тайып Ердоған ANKA ұшқышсыз аппараттарын шығаратын бірлескен кәсіпорын құру туралы келісімге қол қойғанын жазғанбыз.

ANKA — Түркияның Turkish Aerospace Industries компаниясы жасаған барлау, бақылау және соққы жасауға арналған дрон. Ол 2013 жылдан бері қолданыста.Түркия бұл ұшқышсыз аппараттарды Таяу Шығыс, Азия және Африка елдеріне экспорттап келеді.

Оқи отырыңыз:

• Ердоған Түркі мемлекеттері ұйымы басшыларының бейресми саммитіне қатысу үшін Қазақстанға келді
• Қазақстанда Түріктің барлау жүргізіп, соққы жасайтын «ANKA» дрондары жасалады