Астанада төрт адамды балталап өлтірді деп айыпталған адамға мәжбүрлі ем тағайындалды
Фото: Әлеуметтік желіден
Ақмола облысының мамандандырылған ауданаралық қылмыстық соты Астана маңында бір отбасын балталап өлтірді деп айыпталған адамды кінәлі деп таныды. Алайда оған қойылған «параноидты шизофрения» диагнозына байланысты психиатриялық стационарда мәжбүрлі ем тағайындалды, деп хабарлайды Orda.kz.
«2026 жылдың наурыз айында Г. өз анасының үйінде болған кезде, оның жиені Д.-мен ұялы телефонның істен шығуына байланысты жанжал туындаған. Д. «102» нөміріне хабарласып, полиция қызметкерлерін шақырған. Алайда отбасылық жанжал реттеліп, Г.-ның анасы шақырудың ерте болғанын айтып, ұлына қатысты шара қолданбауды сұраған. Полиция кеткеннен кейін Г. бұзылған телефон мен полиция шақырылғанына ашуланып, ас үй балтасымен үйдегі адамдарға бірнеше рет соққы жасаған. Төрт жәбірленушінің үшеуі зейнеткер болған. Нәтижесінде Г.-ның анасы, жиені және екі егде жастағы қонақ оқиға орнында қаза тапты» деп жазылған сот хабарламасында.
Сараптама қорытындысына сәйкес, айыпталушы «параноидты шизофрения» түріндегі созылмалы психикалық дертке шалдыққан, қылмыс жасаған сәтте психикалық жағдайы бұзылған, сол себепті тергеу әрекеттеріне қатыса алмайды және сот алдында жауап бере алмайды.
«Г.-ның кінәсі оқиға орнын қарау хаттамасымен, төрт адамның мәйітінің табылуымен, телефон сөйлесу аудиожазбаларымен және іс материалдарымен дәлелденді. Сот қаулысымен Г. есі дұрыс емес кезде қоғамдық қауіпті іс-әрекет жасағаны үшін Қылмыстық кодекстің 99-бабы 2-бөлігінің 1), 5) тармақтары бойынша қылмыстық жауаптылықтан босатылып, оған күшейтілген бақылауы бар мамандандырылған психиатриялық стационарда мәжбүрлі ем тағайындалды», деп мәлімдеді сот.
Сот мәліметінше, айыпталушы бұрын да сотталған. 2016 жылы оған бас бостандығын шектеу жазасы тағайындалып, қоғамдық жұмыстарға тартылған. 2022 жылы ол психиатриялық ауруханада мәжбүрлі ем алған. 2023 жылдан бері ол «параноидты шизофрения» диагнозымен психиатр есебінде тұр.
Қазіргі уақытта ол күшейтілген бақылауы бар республикалық психиатриялық ауруханаға, қатаң оқшаулау жағдайында орналастырылған.
Сот актісі әлі заңды күшіне енген жоқ.
Оқи отырыңыз:
Жаңалықтар
- АҚШ алғаш рет Польша арнайы жасағын Украинадағы дрон соғысының тәжірибесі бойынша жаттықтырып жатыр
- Енді депутаттарға сауал тек баспасөз орталығында қойылуы мүмкін
- Тоқаев премьер-министр Олжас Бектеновті қабылдады
- Батыс Қазақстанда балабақша есепшісі 30 млн теңге жымқырды деген күдікке ілінді
- Тоқаев вице-президент Ерлан Қаринді қабылдады
- Непал мен Қытай шекарасындағы алапат су тасқынынан кейін хабар-ошарсыз кеткендер саны күрт өсті
- Иран президенті ШЫҰ саммитіне қатысу үшін Қырғызстанға ұшып кетті
- Қазақстан С-300 зениттік-зымыран кешенін сынақтан өткізді
- Ләззат Танысбай «Хабар» агенттігінің басқарма төрағасы болып тағайындалды
- Бектенов премьер-министр болып қайта тағайындалғаннан кейін Құрылтайда ант берді
- Ерлан Қарин Қазақстанның вице-президенті болды
- Мектептер полицияның бақылауына алынды: 283 мың камера жұмыс істеп тұр
- Олжас Бектенов ҚР премьер-министрі қызметіне ұсынылды
- Қасым-Жомарт Тоқаев вице-президент қызметіне Ерлан Қариннің кандидатурасын ұсынды
- Кипр маңында 267 адам мінген кеме аударылып, жеті адам қаза тапты
- Непалда жүздеген танылмай қалған мәйіт жаппай жерленіп жатыр
- Аризонадағы Үлкен шатқалда су тасқынынан кейін 20 адам хабар-ошарсыз кетті
- Ақтауда адам мінген катер жартасқа соғылып, екі адам қаза тапты
- АҚШ пен Иран соққы алмасты: Не болды?
- Исландия Еуроодаққа кіруден бас тартты. Ең басты себеп — балық
