Төрт күдікті ұсталды: Ақтау маңындағы Ақшұқыр ауылында көлік жуатын орында атыс болды

Ақтау маңындағы Ақшұқыр ауылында екі ер адам оқ жарақатын алды. Олар Маңғыстау облыстық ауруханасына жеткізілді, деп хабарлайды  Orda.kz Lada.kz-ке сілтеме жасап.

Атыс 9 шілде күні таңертең көлік жуу кешені маңында болған. Ақтау тұрғындары әлеуметтік желілер мен WhatsApp арқылы зардап шеккендердің фотолары мен оқиға туралы мәліметтерді жылдам таратып жіберді. Бұл ақпаратты облыстық аурухананың баспасөз қызметі растады.

Қазіргі уақытта ауруханада екі зардап шегуші ем алып жатыр. Олардың бірі 25 жаста, екіншісі 27 жаста.

«2001 жылы туған науқас №1 хирургия бөлімінде жатыр. Оның беті, мойны және екі қолына оқ шашырандысынан бірнеше жарақат болған. Сонымен қатар, оң жақ кеуде қуысына өткен оқ жарақаты және оң жақты травмалық гемоторакс анықталған. 1999 жылы туған науқас №2 хирургия бөлімінде ем қабылдап жатыр, онда оң жақ аяғы жарақаттанып,  бет сүйегі бірнеше жерден сынған»,  деп хабарлады аурухана. 

Дәрігерлер екі науқастың да жағдайын тұрақты бақылауда ұстап, барлық қажетті медициналық көмекті көрсетіп жатыр.

Маңғыстау облыстық полиция департаменті Ақшұқырдағы атыс фактісін растады. Оқ жарақатын алған екі жас ер адам ауруханаға жеткізілді, қаза тапқандар жоқ.

«Адам өлтіруге оқталу, бұзақылық, сондай-ақ суық қаруды заңсыз алып жүру және өткізу фактілері бойынша қылмыстық іс қозғалды. Полиция қызметкерлері оқиғаның мән-жайын анықтап, жанжалға қатысушыларды ұстады», деп хабарлады ведомство. 

Төрт күдіктінің барлығы уақытша ұстау изоляторына қамалды.

Бұған дейін  Ақтаудағы кафелердің бірінде келушілердің бірі жанжал кезінде екіншісінің бетіне оқ атқаны туралы жазған едік. Оқиға 8 шілде күні болған. Ер адам «Аңшы» құрылғысын қолданған, салдарынан қарсыласы бет тұсынан жарақат алған.

Полиция бұзақылық фактісі бойынша іс қозғап, күдіктіні ұстап, изоляторға қамады. Зардап шеккен адамға дәрігерлер көмек көрсетіп, үйіне жіберілді.

Қазіргі уақытта атысқа қатысы бар төрт күдікті уақытша ұстау изоляторына қамалды.

Қалған ақпарат сотқа дейінгі тергеу шеңберінде жария етілмейді.

Оқи отырыңыз:

• Ақтаудағы кафелердің бірінде атыс болып, ер адамның бетіне оқ тиді
• Қытайдағы алапат тасқын: Қырыққа жуық адам қаза тауып, іздестіру жұмыстары жүріп жатыр