Астанада мешітте намаз оқып жатқан ер адамның телефонын ұрлап кеткен

Астанада мешіттердің бірінде намазға келген азаматтың ұялы телефоны ұрланды. Полицейлер бейнебақылау камераларының көмегімен күдіктіні сол күні ұстаған, деп хабарлайды Orda.kz.

Алдын ала мәлімет бойынша, таңғы намазға келген ер адам құлшылық еткеннен кейін демалмақ болып, ұялы телефонын қуаттауға қойып кеткен. Осы сәтті пайдаланған белгісіз адам ешкімге білдірмей телефонды алып, оқиға орнынан кетіп қалған.

Жедел-іздестіру іс-шаралары барысында тәртіп сақшылары бейнебақылау камераларындағы жазбаларды қарап, күдіктінің жеке басын анықтады. Сол күні 25 жастағы ер адам ұсталып, ұрланған телефон тәркіленіп, заңды иесіне қайтарылды.

Қазіргі уақытта бұл факті бойынша қылмыстық іс қозғалып, сотқа дейінгі тергеу басталды. 

Оқи отырыңыз:

Түркияда 18 жастағы қазақстандық қыз жол апатынан қаза тапты: СІМ мәлімдеме жасады

Ақтөбе облысының Байғанин ауданында төтенше жағдай жарияланды